Natalana sa madason nga bulan ang pagroll-out sang Department of Agriculture (DA) sang bag-o nga credit program nga P60,000 nga may manubo nga interest rate sa mga rice farmers agud may gastuhon sa ila nga input needs kag monthly expenses samtang nagahulat sang harvest season.
Suno kay Agriculture Secretary Francisco Tiu Laurel Jr., tinutuyo sang programa ang mapasanyog ang productivity sang irrigated farm lands.
Target sang ahensya ang 50,000 ka mga mangunguma nga may yara sang irrigated lands para sa inisyal nga implementasyon sang programa.Sa idalom sang programa nga ginatawag Agri-Puhunan at Pantawid, ang kada mangunguma nga kabahin sang irrigators’ associations ang magabaton sang P60,000 nga may interest rate nga two percent.
Sa amo nga amount, ang P28,000 ang gamiton sa pagbakal sang binhi kag fertilizer samtang ang P22,000 ang mahimo nga i- withdraw kada bulan agud may gamiton sa adlaw-adlaw nga gasto samtang nagahulat sang ila patubas.
