Ginahangkat ni Senate Minority Leader Aquilino “Koko” Pimentel III si President Ferdinand Marcos Jr. nga i-anunsyar ang pagban sang Philippine Offshore Gaming Operations ukon POGO sa iya ikatatlo nga State of the Nation Address sa Lunes.
Suno kay Pimentel, nagalaom ini nga kibuton sang Presidente ang tanan sa isa ka surpirse announcement bangud masami sini nga ginahambal ang “Bagong Pilipinas” gani dapat may bag-o ini nga polisa natuhoy sa POGO ukon untaton na ini.
Suno diri, ginbuksan sang POGO ang pungsod sa foreign nationals nga posible imbolbado sa mga krimen kag pagpang-abuso kag makabig nga welcome change para sa Pilipinas ang pagban sini.
Ang mga ginpatigayon nga raids sa mga POGO hubs ang nagsuhestiyon nga pila ka mga operators ang imbolbado sa mga investment scams, human trafficking kag torture.
