Gin-athag sang provincial administrator sang Negros Occidental nga voluntary lamang ang proposed nga pagkuha sang medical insurance para sa capitol employees ang voluntary.
Suno kay Atty Rayfrando Diaz nga voluntary lamang ang paggamit sang P7,000 nga medical allowance para sa health insurance sang Capitol employees.
Suno kay Diaz sa mga interesado kaangay niya mahimo nga magkuha sila sang group insurance coverage.
Suno diri, nabaton naman sini ang proposals nagikan sa mga insurance companies nga nagatanyag sang benefit packages nga ginalakipan sang hospital rooms kag iban pa.
Suno pa kay Diaz nga natumod na sini ang best offer kag ipresentar niya ini sa kay Governor Eugenio Jose Lacson kag Vice Governor Jeffrey Ferrer.
Una na nga ginpahayag sang gobernador sang probinsya nga luyag sini nga may maayo nga kadtuan ang P7000 nga medical allowance sang mga empleyado sa Capitol.
Suno diri kun ihatag sa mga empleyado ang allowance mahimo nga magasto nila ini kag wala na sila sang magamit kun kinahanglanon na.
Gani plano sang probinsiya nga ibayad ang allowance sa premium sang health insurance sang tanan nga mga Capitol employees kun sa diin mas dako ang ila nga medical coverage kag magamit sa tion sang kinahanglan.
