Wala ginapaburan sang Philippine Amusement and Gaming Corp. (PAGCOR) ang ginaduso nga total ban sang online gambling apang nagpabutyag nga suportahan ang mas hugot nga regulations.
Suno kay Alejandro Tengco, Chair kag CEO sang PAGCOR, mas mangin mabudlay ang pag-control sang online gambling kun i-total ban ini tungod wala na sang regulations agud nga maproteksyunan ang mga Pilipino nga nagasugal.
Nagapati ang PAGCOR nga ang matuod nga pagpamahog amo ang mga illegal nga foreign-based operators nga ginasakdag sang mga Pilipino kag indi ang online gambling mismo.
Ang online gambling ang kabahin na sang halos katunga sang gambling industry kag nagahatag sang tubtob P100 billion sa gobyerno kada tuig, suno kay Tengco.
Sabaylo nga i-ban, ginsuhestiyon ni Tengco nga magamit sang Artificial Intelligence (AI) bilang solusyon sa pagtumod sang mga peke nga ID.
Suportado man sang PAGCOR ang mga ginaduso nga hagna sa Senado nga magpatuman sang deposit ukon limit sa pagtaya agud maproteksyunan ang mga financially vulnerable nga indibidwal.
