-- ADVERTISEMENT --
Magapatigayon ang House of Representatives sang imbestigasyon kon paano ginadumala sang Philippine Health Insurance Corp. (PhilHealth) ang ila nga pondo matapos nga matukiban ang ginapahayag nga “excess” nga PhilHealth funds.
Suno kay House Speaker Martin Romualdez, magatutok ang imbestigasyon sang Kamara sa kon paano masolusyunan ang problema kag indi agud nga basulon lang ang Philhealth.
Patigayunon ini sa masunod nga tuig ukon pagkatapos sang holiday break sang Kongreso.
Ginpasalig man ni Romualdez sa publiko nga siguruhon sang imbestigasyon nga nagabenepisyo ang kada piso sang pondo sang Philhealth sa mga myembro sini nga amo ang mga Pinoy nga naga-contribute diri kada bulan.
