Ginapaabot sang pageant expert kag blogger nga si Norman Tinio nga mangibot sa coronation night sang Binibining Pilipinas bwas ang Bacoleña candidate nga si Cassandra Coleen Chan.
Sa interview sang Bombo Radyo Bacolod kay Tinio sang normannorman.com, aminado ini nga super dark horse si Chan ukon mahimo ini nga magpangibot sa iya performance sa ibabaw sang entablado.
Bilang isa ka professional ballet dancer suno kay Tinio, nakahibalo si Chan sang graceful execution sang iya pagrampa bangud nagagwa gid ang pagka-ballerina sini.
Ini ang kaangay na gid lamang sang nasaksihan sang ginpatigayon ang national costume competition kun sa diin tuman ka graceful ang execution ni Chan sa entablado.
Magluwas diri, maayo man sa public speaking ang UP graduate nga si Chan kag nakasulod ini sa Top 10 sang Best in National Costume Competition kag Top 3 sang Best in Talent nga dako na nga puntos para sa iya.
Sa kaangay sini nga kompetisyon suno kay Tinio, kinahanglan nga matalupangdan ang kandidata kag indi mangin lubong sa iban.
Sa karon, mixed emotions na si Chan samtang ginahulat ang coronation night.
Suno diri, nakulbaan siya nga excited apang luyag niya nga magpangibabaw ang excitement kun yara na ini sa entablado.
