Ginkumpirmar sang White House nga ginatalakay na ni President Donald Trump ang mga pamaagi para makuha ang Greenland, lakip na ang potensyal nga paggamit sang US military sa pagbuhi sang iya ambisyon nga kontrolon ang amo nga lugar sa pihak sang pagpamatok sang Europe.
Sa isa ka statement, ginpakigbahin sang White House nga ginalantaw ni Trump ang pagsakop sa Greenland bilang US national security priority nga kinahanglan para punggan ang ila mga kontra sa Arctic region.
Suno sa White House, nga ginadiskusyunan na sang president kag sang iya team ang madamo nga mga pamaagi para iduso ang amo nga katuyuan sa foreign policy kag isa diri ang posible pag-usar sang US military.
Makapila ka beses naman nga ginpahayag sang Greenland nga indi nila luyag nga mangin parte sang United States. Suportado man ini sang mga pinuno sang dalagko nga European powers kag sang Canada.
Ginalantaw naman nga ang pagkuha sang US military sa Greenland halin sa ila madugay na nga kaalyado nga Denmark ang magatay-og sa ila NATO alliance kag magapadalom sang pagbinahin-bahin sa tunga nanday Trump kag sang European leaders.
