Bukas si Bacolod City Councilor Atty Caesar Distrito nga mangin author kun may yara sang ordinansa nga ipasar angot sa pagkooperar sang mga business establishments nga mag produce sang kopya sang CCTV footage kun kinahanglan sang kapulisan.
Madumduman nga ginaduso sang Bacolod City Police Office ang amendment sang CCTV ordinance agud ma-compel sang mga kapulisan ang mga establishments sa paghatag sang CCTV footage nga makabulig sa pagsolbar sang krimen.
Sa interview sang Bombo Radyo kay Distrito, wala pa ini sang may nabaton nga sulat halin sa BCPO apang tun-an sini ang ila ginapangayo kun bala kinahanglan nga may revision sa ordinansa ukon kinahanglan nga may bag-o naman nga ipasa nga suno sa iya, bukas siya nga mangin author.
Suno diri, kun para sa peace and order sa ciudad, siya magagiyo kun kinahanglann nga mag-impose sang penalidad apang lantawon man sini ang privacy sang kada isa.
Pahayag sang konsehal, indi dapat mahimo nga maghambal ang kriminal nga wala sang problema maghimo sang krimen sa ciudad sang Bacolod bangod indi man sila madakpan.
