Sigurado na nga magasaka sa plenaryo sang Kamara ang committee report sa impeachment ni Vice President Sara Duterte suno sa political analyst.
Sa interview sang Bombo Radyo Bacolod kay Atty. Jomax Ortiz, gintadlong sang House of Representative ang wording sang nasambit nga report agud indi sila ma-technical kun ipasaka ini sa plenaryo.
Kahapon, 55 nga miyembro sang House Justice Committee ang committee report nga nakit-an nga may yara sang “probable cause” ang impeachment complaints batok kay VP Sara Duterte.
Suno kay Ortiz, forecast sini nga masobra pa sa 106 ka mga House of Representative members ang magaboto sa impeachment sang bise presidente kag ipasaka sa Senado para sa trial.
Apang palamangkutanon pa kun paano makakuha sang 16 ka boto sa mga senador bangud sa karun sanday Senator Chiz Escudero, Joel Villanueva kag Jinggoy Estrada ang may kaso sa Ombudsman kasubong man ang duha ka mga Villar bangud ang kumpaniya nga ginapanag-iyahan sang mga ini ang problemado.
Dugang pa sini, maumpisa naman ang trial sa kaso ni anay President Rodrigo Duterte gani magwa naman ang warrant of arrest nanday Senator Bato Dela Rosa kag Senator Bong Go.
Gani sa paglantaw sini mabudlayan sa Senado nga makakuha sang 16 ka boto apang aminado ini nga samtang nagalakat ang tinion, ini ang mahimo pa nga magbag-o.
Dugang pa sang abugado nga ang pagbotohay sa impeachment ang indi bangud sa ebidensya kundi nakadepende sa political alignment.
Slim naman ang tsansa nga ideklarar sang Korte Suprema nga unconstitutioal ang impeachment batok sa bise presidente.
