Ginkumpirmar sang hepe sang Kabankalan City Police Station nga case closed na ang natabo nga pagpanglabo sang isa ka amay sa iya nga asawa kag mga kabataan kag nag-utas sang kaugalingon sini nga kabuhi sa Barangay Tapi, Kabankalan City, Negros Occidental.
Sa inteview sang Bombo Radyo kay PLt Col Roberto Indiape, yara na sa estable nga kondisyon ang iloy nga si Rubilyn kag apat ka mga kabataan nga menor de edad nga pilason matapos nga ginlabo sang padre de pamilya nga si Eumil Francisco.
Suno diri, naghatag sang financial assistance ang Local Government Unit sa pamilya kasubong man nga sila ang buligan sa pagpalubong.
Pagahatagan man sang LGU sang stress debriefing ang mga biktima nga natrauma sa natabo.
Pahayag ni Indiape, sirado na ang kaso bangod nga may nakawitness sa insidente kag nagtaliwan naman ang suspek nga indi na kinahanglan pa sang dugang nga imbestigasyon.
