Ginadiskusyonan pa kun ano nga sports ang mahimo nga indi malakip sa Paris Olympics kag nagapanguna sa lista amo ang mixed martial arts.
Bangod nga madamo pa sang komplikasyon nga dapat tun-an antes ang bidding para makasulod sa Olympic Games.
Sa mahibaluan, madamo sang active amateur mixed martial arts scene indi lamang sa Pilipinas, apang kasubong man sa iban nga pungsod.
Suno kay sports analyst Nissi Icasiano, ang amateur MMA may yara sang nagkalain-lain nga mga rules kag ang Philippine MMA Federation nagahimo sang standard kaupod ang IMMAF.
Dugang pa para malikawan ang bayad sa membership kag sanctioning fee, madamo sang local promotions ang nagatawag sang ila contest nga “pro-am” nga amo nagadugang pa gid sa confusion sang mga tawo.
Samtang, ang mga dalagko naman nga mga international mixed martial arts groups kaangay sang UFC, One Championship, Brave kag Bellator, ang nagafocus naman sa pro bouts, kag wala ginalakip ang amatuers kag lower weight classes.
Sa nagkalain-lain nga MMA rules, iban diri ang wala naga-usar sang shin pads, may nagkalain-lain nga size sang gloves, ang paggamit sang head gear, samtang may yara man sang nagapahunogot sang elbow striking.
Kun mahimo naman nga matingob ang tanan nga amateur groups, may yara sa gihapon sang isyu sa cost of bidding para masulod ang MMA sa Olympic Games.
Kag ini man ang dapat may tatlo ka Olympic cycle kag suportado sang 70 ka mga pungsod.
