Para kay political analyst Atty Jomax Ortiz, negatibo ang impact kay President Ferdinand Marcos Jr sa pagkakas sa burial kag medical assistance sa Office of the Vice President.
Sa idalum sang 2025 general appropriations act, wala sang approved budget para sa burial kag medical assistance sa OVP.
Sa interview sang Bombo Radyo sa abogado, ang budget sang OVP nga kapin sa P2 billion ang ginbuhinan kag yara na lamang sa P733 million ang budget nga nabilin.
Suno diri, iga-cripple gid sang Marcos administration si Vice President Sara Duterte bangod siya ang mabaskog nga makontra sang administrasyon para sa pwesto sang pagka-presidente.
Pahayag ni Ortiz, sa pagkakas sa burial kag medical assistance mahimo nga indi na mangin epektibo ang serbisyo ni Duterte apang para sa mga pumuluyo naman mahambal nga pamulitika na ang ginahimo sang presidente bangod may dako nga epekto sa mga pumuluyo nga pigado ang pagkakas sang urial kag medical assistance sa OVP.
