Nangin matawhay ang pagpatigayon sang pinakauna nga Bacolod Water Sports Festival sa Baywalk Recreational Park, ciudad sang Bacolod.
Ini ang ginpartisiparan sang mga bisita naggikan sa Malaysia, Zamboanga kag Boracay kag ang event patigayunon sa sulod sang duha ka bulan.
Sa interview sang Bombo Radyo kay Police Major Elmer Bonilla, station commander sang Bacolod Police Station 1, wala sang ano man nga problema nga nagluntad samtang nagapadayon ang water sports event.
Suno diri, may yara sila sang mga gindeploy nga mga personnel, apang indi lamang ang kapulisan ang yara didto para maghatag sang seguridad sa mga athletes kag bisita, yara man ang Disaster Risk Reduction & Management Office (DRRMO), Bureau of Fire Protection (BFP), ambulansya kag may yara man sang security guards sa area.
Samtang, may yara naman sang adjustement sa schedule sang activities bangod sa tuman ka init.
