Pagatun-an pa ang pagpatuman sang 4 days’ work week para sa mga empleyado sang Bacolod City Government Center.
Suno kay Bacolod City Mayor Greg Gasataya, padayon nga gina-implementa ang Executive Order No. 11 kun sa diin ginalimitahan ang paggamit sang air-conditioning sa sulod sang anom tubtob walo ka oras kada adlaw kag gamiton lamang ini sa “fan mode” humalin alas- 12:00 sang udto tubtob ala- 1:00 sang hapon.
Ginalimitahan man ang pag-usar sang computers, suga kag iban pa nga mahimo i-switch off kun tion sang panyaga kag pagkatapos sang working hours.
Gina-abisohan man ang mga empleyado nga gamiton na lang ang hagdanan kun malapit lang man ang padulongan magluwas sa mga nagabusong, senior citizens, PWDS kag ang may ginasuprer nga balatian.
Samtang, ginaduso man ang paggamit sang LED lights kag solar lights agud nga mapahagan-hagan ang paggamit sang kuryente.
Suno sa alkalde pagatun-an pa kun aplikable man sa Bacolod City Government Center ang pagpatuman sang 4 days’ work week.
