Nagapati ang kongresista sa 5th District sang Negros Occidental nga dako na nga butang ang pagsaka sang millgate price sang kalamay sa nakaligad nga duha ka semana.
Sa interview sang Bombo Radyo kay Congressman Atty. Dino Yulo, nagsaka sa P200 sa sulod sang duha ka milling weeks ang millgate price sang kalamay.
Ini bangud sa ginpatuman nga Sugar Order No. 2 kag Sugar Order No. 3 sang Sugar Regulatory Administration (SRA) nga nag-stabilize sang domestic supply samtang ginapasiguro nga may nagakaigo nga income ang mga local farmers.
Paathag ni Atty. Yulo nga ang millgate price sang kalamay ang indi lang isa ka problema sa sugar industry kundi isa man ka community-level nga isyu.
Suno diri, may patigayunon naman nga meeting agud nga mafollow-up ang padayon nga pagtalakay sang problema sa sugar industry.
Pasalig sang kongresista nga padayon nga ginahatagaan sang pagtamod ang problema.
