Padayon ang imbestigasyon sa pagtumod kun ano ang ginhalinan sang kalayo nga nagresulta sa sunog sa 16th street, Purok Magnolia, Barangay 7, Bacolod City.
Sa interview sang Bombo Radyo Bacolod kay Fire Superintendent Jenny Mae Masip, Fire Marshal sang Bacolod City Fire Station, alas- 11:20 kaina sang udto sang nabaton nila ang report kag gilayon nila nga gindispatch ang fire truck.
Nag-abot sa area ang bumbero alas- 11:24 kag nadeklarar nga fire under control alas 11: 42 samtang nafire-out alas- 11:42.
Gindeklarar nga 2nd alarm ang sunog nga nagluntad.
Suno diri, sa inisyal 26 ka structure ang nasunog, 21 ang totally damaged samtang lima ang partially damaged.
Suno kay Masip, makalabay sila kun tani sa 5th street apang magagmay lang nga firetruck ang nakasulod bangod madamo sang mga nakapark nga vehicle sa area.
Mensahe sini nga subong nga summer season dapat maghalong tanan bangod wala man sang may matabo nga insidente kun tanan nagahalong.
