Liwat nga gin-idog ang schedule sang pagturn- over sang temporaryo nga pwesto sang mga vendors sang Manokan Country.
Suno kay Bacolod City Legal Officer Atty. Romeo Carlos Ting Jr., una nga natalana nga masaylo ang vendors sa Setyembre 12 apang bangod nga madamo pa sang dapat nga kay-uhon kaangay sang pagbutang sang exhaust fan sa kada stall, liwat nga gin-idog ang schedule.
Suno diri, paga-sturyahon man nila ang mga vendors kun ano pa ang luyag nila nga ipakay-o ukon idugang sa ila nga pwesto samtang wala pa matigayon nga matun-over ang ila stall.
Suno kay Ting, ang transition sa pagsaylo sang vendors ang patigayunon sa masunod nga semana agud nga sa Setyembre 25 masaylo na gid lamang ang mga vendors kag magbaligya.
Samtang, suno naman kay Ting may yara sang pito nga wala naka-abot sa deadline sang pagsettle sang ila arrears kag posible nga sila ang indi mahatagan sang pwesto.
Plano naman nga igasira ang Father Ferreo St sa selebrasyon sang Masskara Festival agud nga mas malapad ang area para sa mga customers.
