Ginpahayag sang National Bureau of Investigation Bacolod nga wala na nagkomunikar sa ila ang pamilya ni Pearl Joy Galve nga namissing sang Hulyo 29 apang nasapwan nga wala na sang kabuhi sa sulod sang kampo sang tubo sa Hda. San Roque, Barangay Cubay, La Carlota City, Negros Occidental sang sang Agosto 13.
Sa interview sang Bombo Radyo Bacolod kay Special Investigator William De Arca Jr. sang NBI-Bacolod, wala sang may napasakaan sang kaso nga pagpatay sa biktima samtang mabudlay naman para sa ila nga makakuha sang dugang nga impormasyon bangod wala naman sang may nahatag ang pamilya.
Suno diri, nagapabilin nga person of interest sa gihapon ang step father ni Pearl Joy nga si Rene John Nasis.
Nagpasalig si Arca nga bisan wala na sang komunikasyon sa ila ang pamilya ni Pearl Joy, apang mahatagan gid sang hustisya ang pagakapatay ni Pearl Joy.
