Indi na magpasaka sang kaso ang pamilya ni Catherine Joyce Flores alyas Cathy nga ginpatay sa Purok Kagaykay, Barangay 2, Bacolod City sang Agusto 11 sang kaagahon.
Si Flores ang tumandok sang banwa sang Valladolid apang siya ang gintiro sa Barangay 2.
Suno kay Police Capt. Glenn Montaño, acting station station commander sang Bacolod City Police Station 2, nag-execute na ang pamilya ni Flores sang non-interest to file action bangud ini ang ila nakasugtan.
Isa sa mga rason diri amo ang pagtugyan nila sa Makaako sang natabo kag nahadlok man sila nga magfile sang reklamo batok sa suspetsado.
Sang tinalikdan, may isa ka person of interest nga ginakabig na kuntani sa karon nga suspetsado apang wala naman sang plano nga magpasaka sang kaso.
Suno kay Montano, isa lang ang suspetsado, lalaki, kag ginatudlo man ini nga responsable sa nauna nga murder cases nga natabo sa Barangay 2.
Suno sa police official, nakahanda ang Baclolod Police Station 2 nga magfile sang reklamo apang nagpahayag ang pamilya nga indi nalang magpagamo bangud ila nga seguridad ang ila ginapanumdom.
Ang suspetsado ang residente man sang ciudad sang Bacolod.
