Tuman ang kaakig sang utod sang ginaalegar nga suspetsado sa pag-ape kag pagpatay sa 16 anyos nga estudyante sa Barangay Cabahug syudad sang Cadiz sang Biyernes sang hapon.
Suno kay Bell, utod niya sa amay ang suspetsado, nga para sa iya wala niya nakita ini nga bayolente.
Apang nakibot na lamang ini sang ginhambalan sang iya iloy nga may nakita nga kulong nga buhok sang biktima nga si April Bacato, samtang yara sa sulod sang sako.
Ini man ang nagsanto nga kulong ang buhok sang utod sini kag suno sa iloy niya, nagkuha sang sako sang uling ang suspetsado didto sa ila.
Gani gilayon nga naghambal ini sa iloy nga gusto niya pa-imbistigaran ang utod.
Apang nahibaluan na lamang sini nga yara na sa barangay ang utod.
Samtang, suno diri iya ginapatihan nga nahimo sang utod niya ang krimen bangod sa tentasyon kag depresyon.
Gani makapila ka beses ini nga nangayo sang pasaylo sa pamilya sang biktima nga nakahibalo man ini nga indi na mabalik ang kabuhi sang estudyante.
Masaakit para kay Bell bilang manghod ang nahimo sang iya utod, apang suno sa iya tuman gid ka sala ang nahimo sang magulang.
