Gincriticize ni Vice President Sara Duterte ang panawagan sang pila ka progresibo nga grupo nga dungan nga pagresign nila ni President Ferdinand Marcos Jr. kasubong man ang mga rekomendasyon nga transition council kag caretaker government.
Suno sa bise-presidente, responsibilidad sini ang ipabilin ang Konstitusyon kag indi ini makigbahin sa anuman nga extra-constitutional nga mga tikang.
Sang tinalikdan nga semana, ginpahayag sang Malacanang nga indi option ang pagresign ni Marcos, matapos nga siya ang gin-akusahan sang utod sini nga si Senator Imee Marcos sa paggamit sang illegal nga druga.
Ginhangkat naman ni VP Sara ang Presidente nga magpaidalum sa drug test agud maathagan ang publiko.
Nagvolunteer man ini nga updan ang Presidente sa pagpadrug test.
Madumduman nga sang 2021, nagpagwa si Marcos Jr. sang negative drug test result matapos ginhangkat ang mga presidential candidates nga pamatud-an nga wala sila nagagamit sang illegal nga druga.
