Nagbiya sa puwesto si Paraguayan President Santiago Peña kahapon, kasunod sang krisis sa Ueno Bank nga nagresulta sa minilyon nga kliyente nga indi ma-access ang ila nga kwarta.
Nag-umpisa naman ang impeachment proceedings batok sa nasambit nga presidente matapos mag-file sang mga reklamo ang 35 ka mga mamalidha gikan sa oposisyon kag pila ka miyembro halin sa iya kaugalingon nga partido.
Kalakip sa mga alegasyon ang seryoso nga pagpabaya sang katungdanan.
Yara sa karon sa kongreso ang desisyon kun batunon ukon balibaran ang pagbiya ni Penia, nga nagpungko humalin sang Agosto 2023 para sa lima ka tuig nga termino.
Ginalauman nga magabulos sa iya pwesto ang Bise Presidente nga si Pedro Alliana.
Madumduman nga nagbisita sa Pilipinas si Penia sang Mayo 11-12, 2026, kun sa diin gintalakay sang duha ka lider ang pagpasanyog sang kooperasyon sa trading, investment, agriculture, kag food security.
