Nagapanawagan ang Parochial Vicar sang San Diego Parish Church sa Silay City nga mangin tampad sa Ginoo sa pagsaulog sang Semana Santa.
Sa interview sang Bombo Radyo kay Rev Fr John Rixi Padparan, subong nga Martes Santo, nagapasulod na ang pinakamataas nga selebrasyon sa kasakit, pagkamatay, kag pagkabanhaw sang Ginoo.
Suno diri, isa sa pinakamasakit nga eksperyensya sang isa ka tawo amo ang pagluib sang abyan ukon pinalangga sini sa iya.
Nagpanawagan ini nga pamalandongan nga kun kaisa mainit kita kay Hudas kag Pedro apang kun kaisa sa kabuhi sang tawo, siya ang kaangay man kay Hudas ilabi na sa tion nga gina-una sini ang materyal nga butang, manggad, kwarta, nga kun kaisa ang paghigugma sa mga materyal nga bagay nagaduso sa tawo nga magpatay, magpangawat, magbinutig kag magsakit sa iya isigkatawo.
Dugang pa sini, kun kaisa kita ang kaangay man kay Pedro nga nagapanginwala sa Ginoo, ilabi na sa tion nga aton ginapanginwala ang pagserbisyo kag paghigugma sa simbahan kag isigkatawo.
Nagapanawagan ini sa karun nga mangin tampad sa Ginoo tubtob sa kamatayon.
