Passenger plane, nagcrash sa Russia; 42 ka pasahero kag anom ka crew, wala nakasalbar

Wala sang pasahero nga nakaluwas sa pagcrash sang pampasahero nga eroplano sa Russia.

Ang Angara Airlines ang may unod nga 42 ka mga pasahero kag anum ka crew sang nagcrash ini sa kalasangan sa Amur region.

Nagikan sa Blagoveshchensk malapit sa border sang China ang Antonov An-24 nga eroplano sang madula sa radar screen samtang palapit na sa Tynda airport.

Nakit-an sang Russian civil aviation helicopter ang nagakasunog nga fuselage nagikan sa eroplano sa nabukid nga bahin nagikan sa Tynda.

Suno kay Amurs regional governor Vasily Orlov, nalakip ang lima ka mga kabataan sa nagkalamatay.

Nagapadayon ang imbestigasyon samtang nagdeklarar ang gobyerno sang three days of mourning.