Isa patay, isa ang pilason sang ginluthang sang wala makilal-an nga persona sa Sitio Sulbod, Barangay Santol, Binalbagan, Negros Occidental kaina sang hapon, Pebrero 17, 2026.
Ginkilala ang mga biktima nga sanday Rey Noquiana, lalaki, kasado, 48 anyos, mangunguma Purok Vanda, Brgy. Santol, Binalbagan, Negros Occidental kag Edgar San-ore, lalaki, 25 anyos, kasado kag residente sang Sitio Tambo, Brgy. Amontay, Binalbagan, Negros Occidental.
Santo sa initial nga imbestigasyon sang nagresponde nga mga kapulisan sang Binalbagan Municipal Police Station, si Noquiana nga tag-iya sang kampo sang tubo ang nagakuha sang bato sa dalan agud nga makaagi ang sugarcane truck samtang si San-orel naman ang nagakarga sang tinapas nga tubo sa truck sang hinali lamang nagpalupok sang wala matumod nga armas-luthang ang wala man makilal-an nga persona.
Nakaagom sang pilas sa natuo nga abaga kag natuo nga bahin sang ulo si Noquiana samtang si San-orel naman ang nakaagom sang pilas sa naibabaw nga bahin sang natulo nga tiil sini.
Ang duha ang gindala sa Ignacio Lacson Arroyo Sr. Memorial District Hospital apang si Noquiana ang gindeklarar nga dead on arrival samtang si San-orel ang nagapabilin sa ospital para sa pagbulong.
Nagapadayon sa karun ang imbestigasyon sang mga kapulisan sa nagluntad nga shooting incident.
