HOUSTON, TEXAS—Nagdangat na sa 69 ang nagkalamatay bangud sa 44 oras nga freezing time dala sang winter storm sa Texas.
Sa interview sang Bombo Radyo Bacolod kay Bombo International Correspondent Emilio Tico direkta sa Texas, ginpahayag sini nga nagdangat sa 69 ang nagkalamatay sa winter storm.
Kalabanan sa mga ini ang nagsufrer sang hypothermia, nasunog ang balay, nagkalalumos, ukon nabunggo ang salakyan.
Suno kay Tico, isa pa gid sa nagpabudlay sa ila naagyan nga winter storm amo ang kakulang sang tubig, pagkadula sang suplay sang kuryente kag paglupok sang mga pipes.
Suno sa iya, nagdangat sa 18 billion dollars ang kabug-usan nga halit sang winter storm sa Texas.
Back to normal naman sa karon ang sitwasyon apang madamo sa gihapon ang naga-antos bangud kalabanan ang wala pa sa gihapon sang suplay sang tubig.
