Ginkumpirmar sang pinuno sang Public Affairs Unit sang Philippine Health Insurance Corporation Region 6 ang pagsaka sang premium rate sang mga miyembro kag ginpatpat ang rason diri.
Suno kay Janimhe Jalbuna, masobra 98 million na ka mga persona ang enrolled sa PhilHealth sang tinalikdan nga tuig kag nagapatimaan nga 67 percent sang populasyon sang Pilipinas ang may kapasidad nga magbayad, gani 33 porsyento na lamang ang ginabayaran sang gobyerno.
Suno diri, sa karun ang premium rate sang mga miyembro ang yara sa 4 percent kag ini ang santo sa layi kun sa diin gina-implementar lamang sang state insurer.
Suno sa iya, nagasaka sang 0.5 percent ang premium rate kada tuig kun sa diin sang 2018, yara ini sa 2.5; nag 3 percent sang 2019; 3.5 percent sang 2020; samtang wala naman nagpasaka sang 2021 bangud sa COVID-19 pandemic.
Subong nga tuig, nadugangan sang 0.5 percent ang premium rate kag nagdangat na sa 4.0 percent.
Sa masunod nga tuig, ginalauman nga ini ang magasaka pa sa 4.5 percent kag sa 2024 tubtob 2024, target nga ini ang magadangat sa 5.00 percent.
Suno diri, kun nagadako ang budget, nagadako man ang pondo kag nagapatimaan man sang mas maayo nga serbisyo kag packagaes.
Suno kay Jalbuna, kinahanglan sang PhilHealth sang pondo gani dapat nga bululigan sang mga members bangud ang premium contribution ang isa sa mga ginakuhaan sang pondo agud maimplementar ang Universal Healthcare Law.
