Gin-umpisahan na ang pagpanagtag sang fuel subsidy sa mga drivers sang TNVS (Transport Network Vehicle Service) kag mga service delivery riders.
Sa interview sang Bombo Radyo Bacolod kay Department of Social Welfare and Development – Negros Island Region (DSWD-NIR) Director Arwin Razo, simultaneous ang pay out humalin kahapon, Mayo 28 nga magalawig tubtob sa Sabado, Mayo 30 sa SM mall.
Suno diri, ang ciudad sang Bacolod ang may pinakamadamo nga driver sang TNVS kag service delivery riders kun sa diin nagdangat sa kapin 3,900 ang yara sa lista nga makabaton sang subsidiya.
Suno kay Razo, may yara man sang pay out sa Dumaguete City, Negros Oriental kag Siquijor.
Ginatinguhaan nga matapos subong nga semana ang pay out agud lain naman nga subsidiya ang mahatag sang DSWD sa masunod nga semana kag dugang pa nga posible may yara sang indi makakuha sang ayuda kag amo naman nga magpatigayon sang special pay out sa masunod.
Makabaton ang mga TNVS driver kag special delivery riders sang tig- P5,000 nga ayuda kada isa.
