PBBM, gindepensahan ang pagselfie sang mga opisyales sang gobyerno kay Alice Guo

Ginpahayag ni President Ferdinand Marcos Jr. nga kabahin lamang sang selfie culture ang official photos sang gobyerno kaupod si dismissed Bamban, Tarlac Mayor Alice Guo.

Suno kay Marcos, kabahin lamang ini nga bag-o nga culture sa karun nga kun ipost nila, mahambal nga sila ang nakaupod sa team nga nag-aresto kay Guo.

Suno pa sa iya, ang tawag sa Pilipinas amu nga selfie capital of the world gani nagselfie kag indi naman mapunggan ang tawo nga magsmile.

Suno diri, wala naman sang dugang nga meaning diri bangud sila ang nagselfie lamang.

Gin-athag naman ni Department of the Interior and Local Government Secretary Benhur Abalos nga wala sang special treatment nga nakabaton ang anay alkalde.