Ginpakigbahin sang isa ka iloy nga isa ka Overseas Filipino Worker ang mga eksperyensya sini nga nagatrabaho layo sa iya mga anak kadungan sa Mother’s Day celebration kahapon.
Sa interview sang Bombo Radyo Bacolod kay Bombo International News Correspondent Jeje Padilla Casa Vergara, nag-umpisa ini sa pagtrabaho sa luwas sang pungsod sang 2012 pa kun sa diin nag-umpisa siya sa Singapore, Middle East kag sa karun yara na ini sa HongKong.
Suno kay Vergara, indi pa kuntani magpasugot ang bana sini nga magtrabaho siya sa luwas sang pungsod apang bangud sa kapigaduhon gani gin-agwanta sini nga mapalayo sa iya mga kabataan kag pamilya.
Suno diri, sang ginbayaan niya ang iya nga mga kabataan ang subang sini ang Grade 3 kag ang agot sini ang isa ka tuig kag tatlo ka bulan.
Sang naghalin ini agud nga magpadulong sa iya agency bangud malakat na ini sa Kuwait nagatulo ang luha sini samtang nagasakay sa jeep.
Suno diri, nagapasalamat lamang ini nga sa karun advance na ang teknolohiya nga mahimo na maka-video call gani indi man gid ini paghidlawon sa iya pamilya.
Dugang pa sini nga makilala man siya sang bata niya apang sa tion nga magtulog nagahulid ini sa iya lola bisan pa nga yara ini sa Pilipinas.
Panugyan sini sa mga kabataan sang OFW nga magtuod kag tapuson ang pagtuon kag indi magpagusto gasto sang kwarta nga ginapadala sa ila bangud indi mahapos ang trabaho sa luwas sang pungsod.
