Padayunon sang administrasyon ni President Ferdinand “Bongbong” Marcos Jr. ang pagbubo sang mga resources agud mag-improve ang kabuhi sang mga Filipino sa tunga sang pagmaayo sang ekonomiya sang pungsod.
Suno kay Marcos, nagsaka sang 6.3 percent ang economic growth sa second quarter sang 2024, nagnubo naman sang 3.1 percent ang unemployment rate kag 15.5 percent man ang gin-nubo sa poverty rate.
Suno diri, apisar nga maayo ang ini nga data, wala ini sang pulos kun indi ini mabatyagan sang mga Filipino.
Gani siya ang nagpasalig nga magapadayon ang gobyerno sa pag-invest sa mga job-generating infrastructure, social protection programs, health kag education sa tanan nga Filipino.
Ang ini nga video ang ginrelease pila ka oras matapos nagrelease si Vice President Sara Duterte sang isa ka statement nga nagacriticize sang gobyerno sang Pilipinas bangud sa ginaalegar kakulang sang mga tikang sa mga issues kag indi pagkatampad.
