Ginpasalig sang Deputy Secretary General for Visayas sang Partido Demokratiko Pilipino – Lakas ng Bayan (PDP–Laban) nga wala sang kaangtanan ang ila partido sa pagfile sang impeachment complaint batok kay President Ferdinand “Bongbong” Marcos Jr.
Madumduman nga ang impeachment complaint ang ginfile ni Atty Andre de Jesus, kag gin-endorso ni Pusong Pinoy Representative Jernie Jett Nisay.
Sa interview sang Bombo Radyo Bacolod kay Atty Jayvee Hinlo, aminado ini nga may mga wala nagapati sa credibility sang complainant, apang paathag sang abogado nga ang complainant lamang ang makasabat sini.
Suno diri, ang kaundan sang complaint ang kaangay man sa kun ano ang ginasinggitan sang mga nagaprotesta batok sa Presidente.
Apang aminado si Hinlo nga apisar legal process ang impeachment, ini ang political gihapon sa madamo nga aspeto.
Pahanumdom sini nga kinahanglan sang one-third votes gikan sa mga miyembro sang House of Representative antes mapasaka sa Senado ang articles of impeachment para sa trial.
Samtang kinahanglan naman nga makaganar sang two-third votes gikan sa mga Senador.
Suno diri indi malikawan nga magaboto ang mga mamalidha depende sa linyada sa politika kag indi bangod sa ebidensya.
Samtang kun confident ang Presidente nga siya ang wala sang kasal-anan, ini ang wala man sang dapat nga ikahadlok.
Apang isa sa karun sa dilemma sang Marcos Administration amo ang pagpasaka sang kaso sa mga kongresista kag senador nga involved sa maanomalya nga flood control projects.
Suno kay Hinlo, nagapakitang gilas ang Presidente, kag isa sa pinakamaayo nga pamaagi sini amo ang pagpapriso sa mga imbulbado sa kurapsyon.
Apang isa sa nagabalabag diri amo ang kahangawa nga hinali kasuhan ang pila ka mga kongresista kag senador, ang mga ini ang magatipyok kag magaboto pabor sa impeachment.
