PCG Spokesperson Commodore Tarriela kag maritime law expert Atty. Batongbacal, ginhangkat ni Senator Marcoleta sang “friendly debate” angot sa WPS

Ginhangkat ni Senator Rodante Marcoleta sanday Philippine Coast Guard Spokesperson Commodore Jay Tarriela kag maritime law expert Atty. Jay Batongbacal sa isa ka “friendly debate” angot sa issue sa West Philippine Sea (WPS).

Ini ang nangin sabat ni Marcoleta matapos nga gin-imbitar siya ni Tarriela nga mag-upod sa ginapatigayon nga maritime domain awareness flight sa Kalayaan Island Group.

Suno sa Senador, mas maayo nga magkitaay anay sila sang tagpamaba kag ni Batongbacal agud magdebate antes ang plano nga pagpadulong sa KIG.

Samtang ginpamalibaran ini ni Tarriela ang ginahingyo ni Marcoleta kag ginpahayag nga indi nagakaigo nga topiko para sa pampubliko nga debate ang issue sa kinamatarong sa mga teritoryo sang Pilipinas lakip na ang West Philippine Sea.