PCol. Joeresty Coronica, bag-o nga BCPO director

Kumpirmado na nga magapungko bilang bag-o nga director sang Bacolod City Police Office amo si PCol Joeresty Coronica.

Siya ang tumandok sang ciudad sang Bacolod kag amo ang magabulos kay city director Police Col. Noel Aliño.

Antes mangin city director sang BCPO, si Coronica amo ang director sang Iloilo City Police Office.

Siya naman ang pagabuslan ni PCol Kim Legada bilang ICPO director.

Epektibo, subong nga adlaw ang pagpungko ni Coronica bilang BCPO director.

Samtang, kahapon opisyal naman nga nagpungko bilang regional director sang Criminal Investigation and Detection Group (CIDG) sa Philippine National Police headquarters sa Camp Crame si PCol Noel Aliño.