Pedestrian nga nabungguan sang motorsiklo sa dalan Araneta sa Brgy Pahanocoy Bacolod City, ginbawian sang kabuhi

Ginbawian sang kabuhi ang 40 anyos nga iloy nga nabungguan sang motorsiklo samtang nagatabok sa pedestrian lane sa Araneta Streer, Barangay Pahanocoy, Bacolod City.

Madumduman nga ang iloy nga ginkilala nga si Alyas Ruth ang nagtabok sa pedestrian lane upod sa iya menor de edad nga bata sang natabo ang insidente.

Ang driver nga si Alyas Chris nga angkas si Alyas Jo ang madasig naman nga nagapadalagan sang motorsiklo gikan sa sur padulong sa east nga dereksyon.

Si Ruth lamang ang nabungguan, nga nadala pa sa ospital apang ginbawian gid sang kabuhi.

Nakaangkon man sang samad ang backrider samtang si Chris ang wala sang samad.

Magluwas sa biktima, nakabunggo pa sa modernize jeep kag tricycle ang nasambitan nga motorsiklo.