Luyag sang grupo nga ‘Kilusang Makabansang Ekonomiya’ nga maglunsyar sang isa ka “People’s Court” ukon hukuman bayan kadungan sang posible nga impeachment trial ni Vice President Sara Duterte sa Senado.
Suno kay Jaime Regalario, chairman sang Kilusang Makabansang Ekonomiya, tinutuyo sini nga mabantayan sang maayo sang publiko ang dalagan sang ebidensya kag hustisya.
Target sang grupo nga magpatigayon sang ila kaugalingon nga hearing sa sulod mismo sang Senado kag plano nila nga pangayuan si Senate President Tito Sotto sang puwesto para diri.
Depensa sang grupo, hindi ini isa ka “kangaroo court” kundi isa ka lehitimo nga pamaagi nga makapartisipar ang mga pumuluyo sa pagpangita sang mga sabat.
Dugang pa diri, maga-serbe ini bilang “balance” sa mangin desisyon sang Senado kun mahimo indi magtugma sa kamatuoran nga ipagwa sang ila personal nga imbestigasyon.
