Lima na ka sunod-sunod nga mga inadlaw nga nagapabilin sa lima ang persons under investigation angot sa COVID 19 sa Negros Occidental.
Sa data nga ginpresentar ni Assistant Provincial Health Officer Dr. Jessica Fama kahapon, wala sang nagdugang nga PUI halin sang Abril 21 tubtub Abril 25.
Ang lima ka PUI ang ginalakipan sang duha sa Calatrava kag tag-isa sa Cadiz, Cauayan kag EB Magalona.
Suno diri, ginahulat pa ang swab test result sang lima ka mga PUI nagikan sa Western Visayas Medical Center COVID testing center antes sila dulaon sa listahan bangud may yara na sang bag-o nga identification system nga ginpagwa ang Department of Health (DOH) sadtong Abril 10 nga suspects kag probable na ang tawag diri.
Samtang nadugangan man sang apat ang suspected cases sa coronavirus disease sa probinsya sang Negros Occidental.
As of April 25 alas-12:00 sa udto, 29 na ang suspected cases nagikan sa 25 sang Abril 24.
Ini bangud sa mga nagapauli sa probinsya nga mga Oveseas Filipino Worker ukon OFWs ukon stranded Negrenses nagikan sa nagkalain-lain nga bahin sang pungsod.
Ang suspects ang ginlakipan sang isa sa Binalbagan, lima sa Cadiz, tagduha sa Cauayan kag Hinoba-an, tatlo sa Kabankalan kag La Carlota, apat sa La Castellana, duha sa Murcia, tag-isa sa San Carlos, San Enrique kag Talisay kag duha sa Victorias City.
