Ginpropose ang pag-amyenda sang ordinansa sa pag-set sang petsa sang selebrasyon sang Masskara Festival.
Suno kay Councilor Jason Villarosa, chairperson sang Committee on Tourism sa Sangguniang Panlungsod sang ciudad sang Bacolod, ginalauman sini nga mangin manami ang tiyempo sa pagselebrar sang highlights sang Masskara festival.
Suno diri, may yara na sang inisyal nga pag-esturyahanay sa city coucil kaupod si Bacolod City Mayor Alfredo ‘Albee’ Benitez kag Bacolod City Lone District Congressman Greg Gasataya angot sa pag-amyenda sang petsa sang highlights.
Ang highlights ang ginaselebrar kada ikapaat nga semana sang bulan sang Oktubre kada tuig kag ini ang natuon sa mga inadlaw nga masami nga naga-inulan.
Suno kay Villarosa, ila luyag nga islan ang petsa sang highlights apang sa bulan sa gihapon sang Oktubre hiwaton ang Masskara festival sa ciudad sang Bacolod.
