BACOLOD CITY – Ginahandaan na sang Philippine team ang ila pinakaulihi nga hampang sa majors division ng Little League Softball World Series sa Estados Unidos.
Ini apisar pa nga naagom sang Negrense team nga tiglawas sang Asia-Pacific region ang ikaapat nga kalutusan sa torneyo, Martes nga adlaw.
Alas 10:00 sang aga, nag-atubangay ang Negros Occidental Little League kag Rowan Little League nagikan sa Salisbury, North Carolina nga tiglawas sang Southeast Region.
Natapos ang hampang pasado alas 12:00 sang udto, oras sa Pilipinas, sa score nga 11-1 pabor sa Rowan Little League.
Sa pihak sini, magasabak sa ika-anom kag katapusan nila nga game ang Philippine team sa Agusto 16 sang gab-i, oras sa Pilipinas.
Ila nga mangin kasumpong ang Cedar City National Little League nagikan sa Cedar City, Utah nga tiglawas sang West Region kag naga-uyat sang 1 win, 4 losses nga record.