Nagpanawagan ang presidente sang Philippine Association Of Social Workers Incorporated (PASWI) – Negros Occidental Chapter sa mga ginikanan kag kabataan nga dapat intindihon kun ano ang ila papel sa sosyudad.
Sa interview sang Bombo Radyo kay Juan Paolo Sajo, ang PASWI ang nagatutok sa proteksyon, edukasyon, kag survival sang mga kabataan.
Suno diri, dapat nga i-educate ang mga ginikanan sa ila nga mga responsibilidad kag obligasyon sa kabataan kasubong man nga dapat mahibaluan sang mga kabataan ang ila papel sa sulod sang balay.
Kun kaisa suno kay Sajo may mga sensitive case nga nagakatabo kag ini ang dapat nga ihandle sang insakto agud nga indi maguba ang social protection sang mga kabataan.
Pahayag sini, dapat nga magpatuman ang mga gininkanan sang strict monitoring sa kabataan kag dapat man nga indi magbinutig ang mga kabataan kun diin magkadto ukon ano man ang ila problema.
Gin-athag man sini nga ang strict monitoring sang ginikanan ang isa lamang ka paagi nga mahatag nila nga proteksyon bangod nga sa tion nga maggwa sa balay ang bata, madamo sang malain nga posible matabo.
Pahayag ni Sajo, importante gid ang home management kag family management nga mahatagan sang tiyempo ang mga kabataan.
