Nagdeploy ang Philippine Coast Guard sang duha ka mga barko sa Bajo de Masinloc agud magpatrol sa area kag masiguro ang kaluwasan sang mga Filipino nga manugpangisda.
Ginmando ni PCG Commandant CG Admiral Ronnie Gil Gavan ang deployment sang BRP Sindangan kag BRP Malapascua sa Bajo de Masinloc sang Domingo.
Ang duha ka mga barko ang nakig-angot sa duha ka mga fishing boats sa area agud tsekyaron ang ila status.
Ginpahayag man ni CG Rear Admiral Armando Balilo nga ang mga manugpangisda ang ginhatagan sang dugang nga pagkaon kag bulong agud ma-augment ang ila supplies on board.
Namonitor sang BRP Sindangan ang pagsunod sang isa ka barko sang Chinese Coast Guard samtang nagapatigayon ini sang maritime patrol.
Duha ka dugang nga Chinese vessels ang yara man sa vicinity sang Bajo de Masinloc.
Samtang, ang BRP Teresa Magbanua ang nagapadayon sa maritime operations sa Sabina Shoal kag sa baybayon sang Palawan.
Ang ini nga tikang sang PCG ang matapo nagtake-effect ang bag-o nga rules sang Chinese Coast Guard kun sa diin sarang ini nga makadetain sang mga foreigners bangud sa ginaalegar trespassing sa ginaagawan nga teritoryo.
