Ginpasiguro sang Philippine Coast Guard nga nakahanda ang mga ini sa pagresponde sa mangin epekto ang bagyong Carina nga sa karun nagaapekto sa dako nga bahin sang Northern Luzon.
Suno sa Philippine Coast Guard, nakaalerto na ang Coast Guard District North Western Luzon sa bahin sang Ilocos Region, kaupod ang Coast Guard District North Eastern Luzon nga sakop naman ang Cagayan Valley kag pila ka bahin sang Central Luzon.
Ginpasiguro sang PCG nga nakahanda na ang mga kagamitan nga mahimo gamiton sa pagevacuate, search kag rescue operation, clearing operation, kag iban pa nga mahimo nga kinahanglanon sa pagsabat sa epekto sang bagyo.
Nakahanda naman ang ahensiya sa bisan ano nga emergency situation.
Madumduman nga nalakip ang Philippine Coast Guard sa mga nagabug-os sang security cluster nga magabantay sang seguridad ang ikatlo nga SONA ni PBBM.
Sadtong Hulyo 19, una naman nga gindeploy sang ahensya ang K9 Force sini agud nga temprano pa magbulig sa security kag safety prepations sang security forces.
