Nagpanawagan ang Philippine Deposit Insurance Corporation sa mga Bacolodnon kag Negrense sa pagdeposit sang kwarta sa bangko.
Sa interview sang Bombo Radyo Bacolod kay Jose Villaret Jr., Vice President sang Corporate Affairs Group sang PDIC, gin-athag sini nga ang tanan nga mga bangko ang required nga magpamiyembro sa PDIC.
Paathag sini nga ang pagdeposit sang kwarta sa bangko ang makabulig para financial economy sang Pilipinas.
Nahibaluan nga manubo ang porsyento sang depositor sa Bacolod City kag Negros Occidental kun ipaanggid sa mga kaiping nga probinsya.
Pasalig ni Villaret nga sa idalum sang PDIC, safe ang kwarta kag ini ang may-interest pa.
Pahanumdom sini nga kun taguon sa balay ang kwarta, ini ang mahimo anayan, kawaton kag masunog.
Aminado so Villaret nga may mga nagakahangawa sa posibilidad nga mabankrupt ang bangko, apang pasalig sini nga sa tion sang bankruptcy, ang tanan nga nabilin nga assets sang bangko ang ibaligya agud mabalik ang kwarta sang mga depositor.
Panugyan lamang sini nga magpili sang masaligan nga bangko kag ang pagdeposit ang indi lamang available para sa mga manggaran, bangod sarang man nga makadeposit sa minimum nga P100 kag wala sang maintaining balance.
Sa tion nga mapatay ang depositor, ang kwarta sini ang maclaim man sang pamilya, apang magalabay lamang sa nagakaigo nga proseso.
