Ginpangunahan ni Punong Barangay Inday Franz Tiongko sang Barangay Mansilingan, Bacolod City ang ginpatigayon nga 2024 Philippine National Flag Day sa Bacolod City Public Plaza.
Nahibaluan nga ang amay sini nga si Bacolod City Lone District Congressman Greg Gasataya kuntani ang magapanguna sa event.
Ang Philippine National Flag Day ang gin-updan man sang mga Barangay officials, kapulisan, Bureau of Fire Protection (BFP) personnel, Philippine Coast Guard (PCG), Boys Scout kag Girl Scout, kasubong man mga opisyales sang nanarisari nga ahensya sang gobyerno.
Sa mensahe ni Inday Franz, kalakip ang past kag ang future sa ginadumdom sa pagselebrar sang Philippine National Flag Day.
Paathag sini nga balon sang hayahay ang sakripisyo sang mga baganihan agud madala ang Pilipinas sa kun ano ini sa karun, samtang ini ang pahanumdom man sa sarang pa nga malab-ot sang mga Pilipino.
Suno diri, nagsakripisyo ang mga baganihan agud mahatag ang kahilwayan sa Pilipinas, responsibilidad naman natun sa karun nga ini ang imaximize kag magbulig sa pag-uswag sang pungsod.
Ang Philippine flag ang nagapakita man nga ang pungsod ang may singular identity apisar nga 7,641 ka mga isla ang nagahuman sa Pilipinas, kun sa diin ang mga Pilipino ang may-ara sang palarehas nga prinsipyo, vision kag history.
