Mapatindog sang dugang nga testing centers ang probinsya sang Negros Occidental.
Sa pahayag ni Governor Jay Jalandoni sang Philippine Red Cross sa ginpatigayon nga press conference kahapon, sa bulig ni Congressman Albie Benitez kag private capacity sini, mapatukod sang testing center sa Philippine Red Cross Bacolod Chapter.
Suno diri, tinguhaan nila nga mapatapos ang construction sini sa sulod sang isa ka bulan.
Ginpahayag man sini nga ang isa ka building sa Red Cross Bacolod igaconvert sang mga ini nga testing centers.
Sa una nga panalgan igabutang ang laboratoryo samtang sa ikaduha naman ang laboratoryo sang mga medical technicians.
Ang pagatukuron nga testing center ang may kapasidad nga maka-accommodate sang tres mil ka test kada adlaw samtang nakadepende man ini sa available nga medtech nga magaoperate sa machine kag computerized na ini gani mas madasig ini sangsa Manila nga makaakomodar lamang ini sang isa ka libo bangud manual ini.
Nagahingyo man ini sa may ikasarang nga pribado nga sektor sa padayon nga paghatag sang bulig sa Red Cross bangud may katapusan man ang pondo kag aminado ini nga ang pribado nga sektor ang isa nagabuhi sa ila.
