May mga kahigayunan nga kinahanglan natun nga magdala sang kaugalingon bangko, kaugalingon nga balon ukon kaugalingon nga tululugan.
Kaangay lamang sang team sang Estados Unidos nga magadala sang kaugalingon nga portable air-condition unit’s para sa mga atleta nila nga magapasakop sa Paris Olympics.
Kasunod ini sa pag-anunsyar sang organizers sang Paris Olympics nga indi magbutang sang air-condition units sa Olympic Village agud nga mabuhinan ang local emissions kag ang greenhouse gas emission.
Ginpahayag ni U.S. Olympic and Paralympic Committee chief executive officer Sarah Hirshland nga kinahanglan nga irespeto ang tikang nga ini sang Paris Organizing Committee apang ang pagdala sang kaugalingon nga aircon ang makabulig sa ila nga atleta.
Importante sa ila ang kahimtangan sang ila nga atleta kun sa diin nagakadapat nga mangin maayo ang ila nga performance sa torneo.
Sadtong ulihi nga naghost ang Paris sa tuig nga 1924 ang indi masyado kainit ang panahon kumparara sa tion sa karun nga lauman ang mainit nga panahon sa bulan bag-o ang pag-umpisa sang Olympics.
Magluwas sa Estados Unidos ang pila ka pungsod naman ang magadala sang portable airconditioning unit para sa ila nga atleta kaangay sang Canada, Australia, Denmark, Great Britain, Greece kag Italy.
