Pila ka mga atleta gikan sa Negros Occidental nga naghampang sa Palarong Pambansa 2025 sa Ilocos Norte ang nag-una na pauli sa probinsya antes pa man ang iban nga kabahin sang delegasyon sang Western Visayas.
Sa interview sang Bombo Radyo Bacolod kay Romeo Sison, sports coordinator sang DepEd Division of Negros Occidental, ang mga players sang swimming, gymnastics kag billiard ang nagpauli na una.
Suno kay Sison, mahimo pa ini sang report kag ipasa sa delegation head kag hibaluon kun ngaa may nag-una balik sa probinsya antes pa man ang pagbiyahe pauli sang mga kabahin sang delegasyon.
Ginpahayag man sini nga nagnubo man ang nakuha nga mga gold medals sang mga atleta nagikan sa probinsya subong nga Palarong Pambansa 2024.
Bangud sini, ginalataw sang mga ini pasanyugon pa ang effort agud nga mapreparar ang atleta sang probinsya sa masunod nga hinampang.
Ang mga atleta nga nakakuha sang medalya ang hatagan sang incentives.
Ginpahayag man nga kun ano ang incentives nga makuha sang regular athletes amo man ang makuha sang Para Athletes.
Ginalantaw man nga sa tion nga magupod na ang mga atleta sang Negros Occidental, Negros Oriental kag Siquijor mas mangin mabakod ang performance sang mga atleta.
