Ang Cave of Sulphur sa Southern Europe ginhimo nga balay sang mga damang tubtob nga nahuman diri ang world’s largest spider web.
Ang lawa sang damang may kalaparon nga 106 square meters nga nagapalibot sa kweba.
Suno kay Istivan Urak, associate professor of biology sa Sapientia Hungarian University sang Transylvania sa Romania, puno sang surpresa ang kalibutan kag sang nakita sini ang malapad nga lawa sang damang, nakabatyag ini sang respeto, pagpasalamat kag pagdayaw.
Ang world’s largest spider web amo ang balay sang duha ka species sang arachnids nga amo ang Tegenaria domestica kag Prinerigone vagans.
Suno sa mga scientists ila ginlauman nga mag-away ang duha ka sahi sang damang apang nag-upod ang duha kag nagdamo ang ila lahi.
Ginapatihan nga bangod madulom sa sulod sang kweba, mahimo nga indi klaro ang ila vision sa isa kag isa.
