Nag-umpisa na sa pagbaton sang deposito nga kapin P59.3 million ang isa ka space company sa may luyag magpabook sa hotel nga yara sa bulan.
Ang GRU Space ang gintukod sang 21 anyos nga si Skylar Chan kag siya nagalaum nga magbukas sang pinakauna nga hotel sa bulan sa tuig 2032.
Sa karun, wala pa nahibaluan kun pila ang pinal nga presyo sang mga kwarto apang suno kay Chan mahimo magdangat sa P593.8 million ang presyo.
Ang GRU Space, indi lamang ang kompanya nga nagatanyag nga magpatukod sang hotel sa bulan.
Apang ang kinalain sini sa iban amo nga plano ni Chan maggamit sang robotic system agud magtukod sang hotel gamit ang moon soil.
Ang construction sang first moon hotel natalana nga maga-umpisa sa 2029.
Mahibaluan nga ang founder nga si Skylar Chan, apisar sa lamharon nga edad, madugay na sini ginatun-an ang outerspace.
Tubtob nga nagtrain ini bilang Air Force pilot, nagbulig develop sang NASA-backed 3D printing experiment nga ginpadala sa space antes siya nakagradwar sa Berkeley kag nabaton sa Ycombinator bilang pinakabata nga solo space founder.
