ISTANBUL — Masubo ang nangin katapusan sang pagpangita sang isa ka Pinay kag tatlo ka mga bata sini nga nadula humalin sang nagtay-og ang mabaskog nga linog sa Turkiye matapos nga makita ang ila nga mga bangkay.
Suno sa embahada yara sa 20 pamilya ang naapektuhan sang paglinog kaupod ang mga Oversea Filipino, nga bata, nga napamana nga Turkish,kag senior citizens.
Ginapadasig naman ang pagproseso sang mga Pinoy nga luyag Pilipinas.
Padayon naman nga buligan ang mga Pinoy nga luyag magpabilin sa Turkey.
Madumduman nga sang Pebrero 6 gintay-og sang 7.8-magnitude nga linog ang Turkey kag kaingod nga pungsod sang Syria.
Nagdangat sa 46,000 ang napatay sa duha ka pungsod bangod sa linog.
Samtang, handa papulion sang gobyerno sa Pilipinas ang mga Overseas Filipino Workers (OFW) nga na-apektuhan sang linog sa Turkey kag Syria.
Ginpahayag ni Department of Migrant Workers (DMW) Undersecretary Hans Leo Cadcad nga may yara sang assistance nga igahatag sa mga OFWs nga na-apektuhan sang linog.
Dugang pa niya nga ang mga OFWs nga luyag magbalik sa Pilipinas ang pagabuligan sang ahensya nga makapauli kag pagahatagan man sila sang reintegration assistance.
Padayon naman nga nakig-angut ang DMW sa pag-asikaso sa mga na-apektuhan nga Pinoy sa nasambit nga mga pungsod.
